O BNG presenta ao futuro equipo de governo.

Vou a presentarvos ás persoas que me acompañan na candidatura do BNG. Comezo por Francisca Sendín Rodríguez, é a numero dous na candidatura do BNG, a pesar de ter os mesmos apelidos pódovos asegurar que non somos irmáns. Francisca é natural do barrio da Costa en Casteláns, ten casa en Barcia de Mera, colabora cos colectivos veciñais da súa parroquia. Coñece as necesidades e as preocupacións da veciñanza de Barcia de Mera, unha delas é a estrada provincial Barcia de Mera – Covelo. Despois de moitos anos de promesas, a estrada sigue a ofrecer múltiples deficiencias, sendo perigosa a circulación en algúns tramos. Francisca foi concelleira polo BNG, ten experiencia para asumir responsabilidades de governo.

Odilo Álvarez Alonso

Odilo ocupa o terceiro posto da candidatura, éunha persoa comprometida coa defensa dos dereitos da veciñanza. Vive en Covelo, é natural de Casteláns. Foi presidente da Comunidade de Montes de Casteláns. Forma parte do Grupo Municipal do BNG, implicouse de xeito activo na executiva da Plataforma de afectados polo atraso das obras no IES do Barral en Ponteareas. Odilo participou nas mobilizacións do colectivo de pais e nais de alumnos, moitos deles de Covelo, que viron como ao comezo do curso as obras estaban sen rematar, faltando incluso o mobiliario necesario para a enseñanza en condicións dignas. Como sempre o PP de Covelo non amosou o mais minimo interese por esta problematica. Odilo suma experiencia política e mais decisión á hora de defender os intereses da veciñanza. 

Diego Pimentel Villar

No cuarto posto acompáñame, podemos dicir, un histórico do BNG de Covelo. Diego foi o primeiro responsábel local do BNG no noso municipio. Podo asegurar que foi quen con outras persoas impulsou a presencia do nacionalismo en Covelo. É socio fundador do grupo ecoloxista de Covelo, coñecido como a Asemblea do Suído, formou parte da Xunta Rectora da Comunidade de Montes de Covelo, colabora noutros colectivos do municipio. Diego naceu e vive en Covelo, coñece ben as necesidades da veciñanza, é testemuña do abandono que sofre o campo de fútbol de Covelo, e tamén sabe do abandono de outras infraestructuras deportivas como o campo de fútbol de Maceira e Barcia de Mera. A maior parte das parroquias de Covelo carecen dalgunha instalación deportiva.

Outra persoa vencellada ao BNG de Covelo dende que comezou a súa andaina no noso municipio. Sonia é concelleira dende o 99, primeira vez que o bloque se presentou en Covelo. É natural de Paraños e vive en Covelo, colabora en distintos colectivos. Ten unha amplía experiencia no Grupo Municipal do BNG. Coñece moi ben a realidade que día a día se vive no rural covelense e coñece moi ben as necesidades da veciñanza. Sonia viviu moi de cerca a posta en funcionamento da Galescola, posta en marcha pola Xunta de Galicia, cando o BNG tivo responsabilidades de goberno, foi quen de ocuparse das necesidades que no rural ten a xente que o vive día a día. Sonia ocupa o quinto posto da candidatura.

Carlos Berto Francisco

Carlos segue a Sonia no sexto posto. Natural de Portaparada, barrio de Maceira. É cazador, coñece polo tanto o funcionamento interno dun tecor societario. Os cazadores son un colectivo a ter en conta na ordenación do territorio covelense. A actividade cinexética debe ter un impulso decidido dende o Concello, aproveitando o seu atractivo turístico. Carlos aporta experiencia e ilusión polo futuro do noso municipio, é sabedor das potencialidades que a natureza pode ofrecer, dentro dun equilibrio sostible de aproveitamento.

Esther Castillo Estevez

No sétimo lugar atopámonos a unha loitadora da vida nata. Esther é natural de Prado da Canda e vive onde naceu, é dicir en Prado da Canda. Esther forma parte do colectivo veciñal da súa aldea. Con poucos medios saca adiante a súa familia. Esther aporta ilusión para que en Covelo muden as cousas. Esther confía de que as oportunidades en Covelo poden mellorar cun goberno nacionalista.

Belén Carballo Domínguez

Belén formou parte da primeira candidatura presentada polo bloque en Covelo. É membro xa xunta directiva do colectivo veciñal de Godóns, é veciña da mesma aldea. Ten moi claras as ideas e sabe moi ben onde están as responsabilidades do Concello no mantemento das instalacións e infraestructuras na súa aldea. Belén coñece moi ben os dereitos da veciñanza diante da administración municipal. Belén anima aos seus veciños a mudar o futuro do noso concello.